Gaa-bimiwidoowaad owe izhichigewin
Endaso-dazhiikewining onjii bezhig gaa-namadabid imaa Gaa-bimiwidoowaad KDSB Izhichigewin e-oonjiiwaad.
Bezhig gaye imaa niiwin gaa-dibendaagozisingin akiinsan bezhig namadabi imaa Gaa-bimiwidoowaad Izhichigewining.
Iwe KDSB Gaa-bimiwidoowaad Izhichigewin owe inwaazowag:
- JI-izhitamaagewaad ji-wiiji’indwaa igi gaa-daawaad imaa Wazhashkonigamiing Oodena inake, gaye
- Ji-dibinamowaad ini izhichigewinan gaye wiiji’iwewinan ji-onji-wiidookawindwaa awiyag, zhooniyaang gaye bimiwijigewining izhi.
Igi Gaa-bimiwidoowaad Izhichigewin inendaagoziwag ji-niigaanishkamowaad ini KDSB izhichigewinan gaye wiiji’iwewinan. Gaa-ogimaawid Izhichigewining odoozhitoon aaniin ge-izhi-biminizha’igaadeg gegoo gaye KDSB ogikenimaawaa ezhi-andawendamowaad ji-izhi-wiiji’indwaa awiyag dazhiikewining.
Ezhi-wiindamaaged KDSB Gaa-bimiwidoowaad Gaa-niigaanishkang
Maamiikwendaagwod awii aawiyaan owa Inaakinigejig Ishpadibid owi Kenora District Services Board (KDSB). 2024 maakibii-aan owi KDSB ado 25th minaajitowin owi ombinigaademigag newen ensa giizhigag bimaadiziwin gewe inoodewiziwinaanig miinwaa ensa bezhig bemaadizijig maziwe gwa Kenora Akiing. Gewe Inaaknigejig gagwekwendamoog owi KDSB aabajitaawog awii miigwengh aangwaamiwi aasgaabiwitaagewin miinwaa zhichigewinan gewe meneziwaad owi miinwaa maajiigitoongh newen gechi piitendaagwog wiiji nakiindiwinan newen Odenwinan, Enjikegaabiwiimigag Waasa-wekamiginan, Anishinaabe odenwinan, miinwaa mensenjigejig.
Owi KDSB mashkowi waawiindamaagewog newen odenwinan owi Kenora akiingh miinwaa nakwetaanaa-aan newen akiinsingh menezingh. Owi KDSB maajiigitoonan newen naagijigewinan owi maamowi dinaangidoniwin miinwaa wiiji nakiindiwinan, niigaanendamajig gimaawin wiijiindiwinan, inendamowin miinwaa mashkowi ginoondiwin, miinwaa iniwendaagwog mina ginoondiwin.
Memaanji niigaanendaagwog nenda gashkito-aangh aawon awii ayaamaangh owi gegetinaamendamjig miinwaa moshkin nikaaziwinan eyaamijig waaji nakiindijig, gagaandinamiwaad nikaaziwinan, woshme e’nishingh odenwinan mina yaawin miinwaa digoyaawin, miinwaa awii nisidiwinigaademigag aawong nikaaziwin onji nishingh aanjichigewin.
Owi Ogimaag Inaakinigejig dowendaagoziwog awii gagwekwendamowaad ndo zhichigewinan miingwem owi gagwek nikiiyaa inaangizhewin. Owi mashkowendamowin onji Akiins maampii Ontario, owi KDSB ada daapinaan maanda maanenjigewin owi ayaamiwaad minawii miinwaa aabaji zhiitaayaangh nakii-aangh owi niigaan owi ndo Kiiminaa aji mina maajiishkaamigag.
Owi Ogimaag Inaakinigejig ado aabaji mashkowendamowiniwaa onji giin awii ginowaabmdamiwaad owi nikiiyaa agezhi aasgaabwitamowaad ndo odenwininaanin owi mina maajiishkaawaad miinwaa awii aawiwaad aabaji dinaangidoniwaad onji giinwaa. Owi aawiyaan Ogimaawin Ishpadibid, ndo moshki zoongidewendam niigaan awaa zhiwebak nakiiyin awii naawisijigaadeg ensa giizhigag bimaadiziwin gewe endinakiijig zhiwe Akiingh.
Fred Mota, Ogimaawin Ishpadibid
Kenora District Services Board
Gaa-bimiwidoowaad Izhichigewin Gaa-dibendaagoziwaad
January 1, 2023 biinish December 31, 2026
| Akiins/gaa-izhi-dibendaagozisinog aki | Gaa-ganootamaaged |
| Oodenaang Baawitigong | Jack Harrison, Mayor |
| Otawagibaawitigong Oodena | Dan Sutton, Councillor |
| Iiginens Oodena | Jodie Defeo, Councillor |
| Wazhashkonigamiing Oodena | Lisa Moncrief, Councillor |
| Obizhigokaang Akiikaanens | Mark Sobchuk |
| Gaa-babiikodaawangaag Zaaga’igan Giiwedinong Akiikaanens | Vacant |
| Gaa-babiikodaawangaag Zaaga’igan Zhaawanong Akiikaanens | Dennis Wallace |
| Maachin Dazhiikewin | Gord Griffiths, Mayor |
| Oxdrift Akiikaanens | Laurie Huffman |
| Ogaansi-zaaga’igan Oodena | James Dalzell, Mayor |
| Onamanizaaga’igan Oodena | Fred Mota, Mayor |
| Waaninaawangaang Oodena | Doug Lawrance, Mayor |
| Bwaani-zaaga’iganiins-Nestan Baawitigong Oodena | Matt Rydberg, Councillor |
Gaa-maawadoobiwaad Gaa-bimiwidoowaad Izhichigewin
2026 Maawadoobiwin inagindaasowin Download PDF
| Date | Time | |
| 1st Board Meeting | January 15 | 10:00 gigizheb |
| 2nd Board Meeting | February 19 | 10:00 gigizheb |
| 3rd Board Meeting | March 19 | 10:00 gigizheb |
| 4th Board Meeting | April 16 | 10:00 gigizheb |
| 5th Board Meeting | May 21 | 10:00 gigizheb |
| 6th Board Meeting | July 16 | 10:00 gigizheb |
| 7th Board Meeting | August 13 | 10:00 gigizheb |
| 8th Board Meeting | September 17 | 10:00 gigizheb |
| 9th Board Meeting | October 15 | 10:00 gigizheb |
| 10th Board Meeting | November 19 | 10:00 gigizheb |
| 11th Board Meeting | December 17 | 10:00 gigizheb |
Noongom Maawadoobiwin Ge-dazhinjigaadeg Download PDF
Odaanaang Gaa-gii-dazhinjigaadeg gii-maawadoobiwaad Download PDF