Owe KDSB gaa-ijigaadeg
Wazhashkonigamiing Oodenaang Inakeya’ii Wiiji’iwewin (KDSB) wiiji’iwemagan giishpin andawendaman ji-wiiji’igooyin Wiiji’iwewin inwaade ji-izhitamaagemagak KDSB Gakina awiya ji-debinang endawendang inwaade iwe wiiji’iwewin. Gakina awiyag gaye gaa-okodaawaad gaye dazhiikewinan o-wiiji’igonaawaa iwe KDSB Wazhashkonigamiing inakeya’ii.
1999 gii-izhisseg gii-ozhichigaade KDSB imaa Wiiji’iwewin Gaa-anokaadeg Maamawibiwining Inaakonigewining onji.. IAmii iwe KDSB ezhichigemagak e-biidamaagemagak wiiji’iwewin ji-wiiji’indwaa awiyag. Wiinawaa oodenaawinan gaye gaa-ayaagin akin omaa Wazhashkonigamiing inake gaye Ontario akiikaaning odiba’aanaawaan ono wiiji’iwewinan.
Ini dash iwiiji’iwewinan KDSB gaa-miigiwed amii ono:
Wazhashkonigamiing Oodenaang Inakeya’ii Wiiji’iwewin wii-nagishk-awaawaa’ awiya’ odinawemaaganiwaa’ gaa-izhi-ayaawaad. Ningikendaamin maawach e-onizhishing ji-wiiji’indwaa gakina ga-andooshkamowaad ji-wiidookawindwaa.
Wiiji’iwewin Gaa-maamawi-niigaanishkang (ISS) da-wiiji’iwemagan ji-minoseg wiiji’iwewin miziwe. Gakina gegoo gaa-izhi-andawendaman ji-izhi-wiiji’igooyin gi-ga-izhi-wiidookaagoo. Ogowe ISS gaa-izhinikaazowaad gi-ga-wiiji’igoowaag aaniin igo izhi-andawendaman ji-izhi-wiiji’igooyin.
Gaa-wiindamaaged Ogimaa Inaaknige Naagaanzid
Aawiyaan owi Naabshkaaged Gichi Ogimaa owi Kenora Akiingh Zhichigewin Bimaakinigejig (KDSB), ndo maamiikwendam awii wiiji nakiiyaan gewe gikendamajig miinwaa debwewndamjig waaji nakiindijig eyaamiwaad owi mashkowendamowaad owi nakiitwaaaad ndo odeniwinaan miinwaa Akiin. Maamowi, ndo miigwenaa ishpendaagwog zhichigewinan gewe bebezhig bemaadizijig, inoodewiziwinag, miinwaa odenwinan ekiitawindwaa, giikinamaangh bimaadiziwinan miinwaa gagwekwendamaangh owi aji mina maajiishkaawaad, woshme mina bimaadiziwaad, miinwaa gashkitowaad ado moshkin gashkitowin. Ndo nakweshkaanaa aadaji anjisewinan miinwaa bezhigwong nendowendaagwog zhiwe newen Akiin zhaanghswi kaanan miinwaa niiwin gaawii gimaakaadesinag Waasa-wekamigan, nendowendaagwo onjike ginowenjigaadeg newen nowonj ezhinaagwog odenwinan. Owi KDSB gajitoon awii miigwed moshkin, oshki naaagwog, miinwaa wiijiyaawongh nakwetamowinan awii aasgaabiwichigaad gewe zhiwe ndo kiiminaa. Owi KDSB ntam shimaa-aan bemaadizijig, ndo ishpendaanaa minaadendamowin miinwaa zhiwenjigewin miinwaa ndo gajitonaa owi bimideto-aangh ishpaamigag zhiwe ndo ensa giizhigag nankiiwin. Giishpin gaawii gagwek naadimowaasingh owi aawiyaan waajinakiindijig, nga gagaandinaagwo owi aasgaabiwichigaagewein age gashkitowaad. Aga bigosenimigwo awii abi giigidayin gishpin ayaaman gikidiyin onji owi miigwengh zhichigewinan owi KDSB.
Sarah Stevenson, Naagaanzid Bamibidechigengh
Kenora Kiingh Zhichigewin Inaakinigejig
KDSB Gaa-wii-izhichigemagak, Ezhinamowaad gaye Ezhi-debwetamowaad
Gaa-wii-izhichigeyaang
Kenora District Services Board – Mashkowendamoog awii na’naawitowaad ensa giizhigag bimaadiziwin owi nikiiyaa wiiba gikendaasowin miinwaa ginowejigewin, endaang, ntam aakozing naadmaagewin miinwaa azhiwenjigewin.
Ezhi-waabandamaang
Owi KDSB adaa aankesidoon owi meshkowendamajig enkiitaagejig, nikaaziwinan, miinwaa aabajichiganan awii miigwengh onishiwendaagwog, nakwetamoomigag zhichigewinan maagsemigag ensa bezhig odena. Nisidwaabmjigaadeg owi aawongh owi maajiishkaachigan onji mina aanjisewin, owi KDSB ada naadimaage giikinigaadeg wiijiindiwin mina yaawin miinwaa dibendaagoziwin miinwaa zhichigaadeg gichi piitendaagwog zhiwe owi Kenora kiingh.
Ezhi-debweyendamaang
Bemaadizijig Ntam
ishpenjigaademigag owi waankiiwin miinwaa mina nendamowin owi ndo wiiji-nakiindijig, gewe bemaadizijig e’nakiitiwindwaa, miinwaa ndo odenwininaanin
Minaadendamowin miinwaa Zhawenjigewin
Onji kina gwaya
Gagaandinigaadeg Apenimowin
Dibagewendaagwog, minaadendaagwog, aabaji weweni zhichigeng, miinwaa zhaabiwaase’aag – gagwek aadiziwin kina eshichige-aang
Debwewin miinwaa Mina Ginondiwin
Nisidwaabmdamaang agaa zhiweba maanzhi doodamowinan, aasgaabiwichigaadeg giinwii gagaandinidiziying, zhichigaadeg woshme nakiiwin miinwaa wiiji nakiinding awii aasgaabiwichigaadeg e’nishing aanjisewin
Bamibidechigeng Ishpaamigag
Nikaaziyaang ndo gikendaasowininaa, memaanji nishing zhichigewin miinwaa oshki inendamowin ensa giizhigag
Gagwekwendaagwog Gichi Piitendaagwog
memdage ginowaabmdamaang newen ezhiwebak awii gagwekwendaagwog owi nishing ondinigegwin owi bemaadizijig debendamowaad zhoonyaa
Wazhashkonigamiing Oodenaang inakeya’ii
407,000 daso-diba’akaan minik nindizhi-anokaadaamin. 38% gegaa aabita-ngodwaak minik gaa-apiichaak Ontario nindizhi-anokaadaamin.
Zhaangachinoon oodenawan gaye niiwin bikish akiinan gaa-izhi-dibendaagwakin imaa inake:
Ji-wiindamaageng enendamong
Gidoonji-wiiji’igoo na omaa Wazhashkonigamiing Oodena Inake Wiiji’iwewining? Wiindamawishinaam aaniin gaa-izhi-minochigeyaang. Owe izhichigen ji-wiindamaageyin:
1. Daataanginigewining
Daataanginigen omaa feedback@kdsb.on.ca ‘Feedback’ izhibii’an.
2. Daataanginigewining
Daanginan owe.
3. Daanginan owe ji-debinaman
Zaagijibidoon owe pdf ozhibii’igan ji-wiindamaageyin enendaman biidoon dash KDSB ozhibii’igewigamigong.
4. 4.Giin igo gi-daa-izhaa
Odaapinan ozhibii’igan imaa KDSB ozhibii’igewigamigong ji-mooshkinebii’aman.