Wiiji’iwemagan
Apii Zaagibagaa-giizis 21,2024, KDSB nakii gamgoon ada daapinaanaa-aan gagwedwewinan newen kina naagidowenjigewinan, Mena Piitigindeg, Awiweginan, miinwaa age Awiwewin Engindemigag owi Dibaamjigaademigag Gashkichigewin ensa bezhig odena etemigag owi KDSB wiigwaman menjigonimowaad. Oshki gagwedwewinan age ada swenigaadenoon gewe nowonj odenwinan waaji nakiimaajig, aakozii gamgoon, miinwaa enji dibinoshinong.
Oshki Awiwewin Engindemigag owi Dibaamjigaademigag Gashkichigewin (RGI) Naaknigewinan
Owi Akiins Ontario gimaawin agii mokinaan owi dowendaagoziwin awii temigag epiichi minik owi minik mezinagewin miinwaa minik zhoonyaa gashkitoyin apii Miin-giizis 1, 2023. Ninda zhinkaadenon Dibiniweziwin Epiitendaagwog miinwaa Kina Waajigendaadijig Zhoonyaa Gashkichigaadeg Enigokwaag.
Newen oshki naakinigewinan adamomigad gewe bemaadizijig eyaamwaad waaji gendaadijig dibiniweziwinan miinwaa zhoonyaa gashkitoongh bashkaji owi epiichi minik gaawii ada miigsesiiwog owi RGI wiigwaaman. Maanda digosin gewe bemaadizijig zhiwe Baabiichige naabidebiigan miinwaa waaji gendaadijig megwaa debinamiwaad RGA naadmaagewin.
Newen Dibiniweziwin epiitaamigag aawinon $50,000 owa nenjikewizid wiigwaamingh miinwaa $75,000 newen wiigwaaman ayaa-aad niish maage woshme minik bemaadizijig. Owi dibiniweziwin aawon wegwen gwa owa bemaadizid debendang epiitendaagwog zhoonyaa. Ninda adaa aawinon dibendaasowin dibishko gonaa daabaan maage wiigwaam. Miinwaa age ada aawon zhoonyaawin owi ayaawong zhoonyaa, maadinamaadiwinan, giispinajigewin misenjigewin, maamowi toongh zhoonyaa miinwaa zhoonyaa gamig zhoonyaa zigakinigaadeg. Owi maamowi daangh kina epiitendaagwog debenjigaadeg aawon owi maamoi ginjigaadeg ado dibiniweziwinan miinwaa zhoonyaa eyaamong.
Newen Kina Waajigendaadijig Zhoonyaa Gashkichigaadeg Enigokwaag maampii dibashish zhibiigaadenon
| Minig Nbaangh Aajikinigan(an) |
Kina Waajigendaadijig Zhoonyaa Gashkichigaadeg Enigokwaag |
| 1 – Nbaangh Aajikinigan | $38,500 |
| 2 – Nbaangh Aajikiniganan | $46,500 |
| 3 – Nbaang Aajikiniganan | $52,500 |
| 4 – Nbaangh Aajikiniganan maage woshme 4 | $61,000 |
Awiwewin Engindemigag owi Dibaamjigaademigag Gashkichigewin (RGI) wiigwaaman aawon endaangh owi enigindeg debageyin dibaamjigaademigad owi zhoonyaa gashkichigaadeg.
Waawiinjigaadeg zhiwe owi Housing Services Act 2011, RGI aawon owi 30% minik owi gdo ekwaa waajigendaadijig zhoonyaa gashkichigaadeg.
Tenoon aankesijiginon maage aazhegindeg owi minik debagengh penimandaagwog owi wiigwaam aajikinigan maage endaajig meneziwaad. Newen gnigen aankesijiginon maage aazhegindeg aawinon:
- Aabijichigewinan
- Daabaan abid
- Giziibiiginige Aajikinigan
- Mazinaatesijigan Nagish Biindige-aabiisingh
Aabijichigewinan wegodogwen gwa aankesin maage aazheginde owi RGI dibagewin penimandaagwog wegwen dibangh newen aabijichigewinan. Wiigwaamingh endaajig debinamjig naadmaagewin onji Ontario Zhiwenjigewin, maage Ontario Bwaanwizingh Aasgaabitaagewin Zhichigewin (ODSP) dibagewog adawaangewin owi zhiwenjige dibaabiishkojigan onji owi Akiins Ontario Gimaawin.
Owi minik debageyin owi adawaange dibaman nda gikenjigaade nigodingh ensa biboon. Aga gagwejimigwo awii miigwewin debwewin onji kina onjibaamigag gashkichigewin. Bwaa miigwewin gaskichigewin gikendamowin owi minapii gnimaa adaa zhiwebad:
Akinwaadendan: RGI adawaange engindeg gaawii maamdaa woshme Epiitigindeg Adawaangewin newen RGI wiigwaaman.
Mena Piitigindeg Adawaagewin Wiigwaaman
Mena piitigindeg Wiigwaaman endinizingh waawiinjigaadenon nondaach 80% owi Median Market (MMR) owi bemiikigaadeg. Owi kina ensa giizis adawaagewin engindeg onaaknigaademigad owi dinowaa wiigwaam, miinwaa odena zhiwe kiingh, azhi dibaajimowaad ensa biboon owi Canada Mortgage and Housing Corporation (CMHC). Awii miigseyin awii gagwedwewin owi Mena Piitigindeg Adaawaagewin Wiigwaam, gdo waajigendaadijig gashkichigewin aabdeg ada mgisin biitwi newen enigokwaagin e’zhisidowaad owi KDSB. Gdaa naadmaagwo nda gikenjigaadeg endagwen aji nakweskaman maanda nendowendaagwog.
Enigindemigag Adawaagewin Wiigwaaman
Enigindemigag adawaagewin wiigwaaman owi moshkin adaawengh epiitendaagwog owi wiigwaam/aki miinwaa penimandaagwod owi gindaasowin wiindamaagewin ensa biboon owi Canada Mortgage and Housing Corporation (CMHC). Owi mayen engindemigag adawaagiwin penimandaagwod owi odena, dinowaa, miinwaa enigokwaag owi wiigwaam. Gdaa naadmaagwo nda gikendaman endagwen aji nakweskaman maanda nendowendaagwog.
Gaawii Zhoonyaakesijig Maagwejig miigwewog neniish gwa Engindemigag Adawaagewin miinwaa Rent-Geared-to-Income.
Woshme gikendamowin newen engindemigag adawaagewin wiigwaaman, aga bigosenimigwo awii ginoondwaa owi Akiingh Gaawii Zhoonyaakesijig Endaawin Maagwejig.