Wiiji’iwemagan
Gi-daa-debinaanan wenji-minosegin ji-wiiji’igoyin ji-diba’aman gidizhi-daawin endaso-giizis gemaa bakaan dinookaanan diba’igewinan. Ge-onji-debinamamban ini izhichigewinan ozhibii’igaadewan omaa niisiya’ii, aaniind gaa-ayaagin eta.
Ge-debinigaadegiban Ge-dediba’aman Izhidaawin (IAH) izhichigewin.
Ji-gashkitooyamban ji-debinaman iwe Ge-debinigaadegiban Ge-dediba’aman Izhidaawin izhichigewin, omaa inake gi-daa-ayaa aazha, ji-gashkitooyamban:
- Dazhiikewin Izhidaawin bii’owin gemaa
- Bangii eta gi-daa-ondiz gaa-ikidoomagak minik zhooniyaa ge-gashki’adiban ji-bagidinigooyin (LICO) Igi aazha gaa-izhidaawaad imaa dinookaaning waakaa’iganing gaawiin o-daa-debinanziinaawaa iwe dinookaan wiiji’iwewin.
Gaa-biindigebii’odizowaad gaawiin daa-izhidaasiiwag awashime gaa-agindenig gaa-izhi-diba’igaadegin izhidaawinan imaa inake. Gaa-biindigebii’odizowaad daa-izhidaawag daawining gaa-gii-wawezhichigaadegin gaye bezhigwewaan eta gaa-izhidaad awiya. Minik ge-wiiji’igooyamban iwe minik gaa-diba’aman daa-izhisese, gaye gaa-diba’aman bakaan dinookaanan gaa-diba’igaadegin. $300 minik daswaabik eta gi-daa-akomiinigooo.
Ji-biindiigebii’odizoyin imaa IAH:
Ganoosh awiya imaa KDSB ozhibii’igewigamigong. Gi-daa-wiindamaagoo dash apii ge-biizhaayamban ji-ganoonad iwe gaa-inanokiid ji-wiiji’ig ji-debinaman iwe.
| 2019 Gaawiin niibiwa gaa-ondiziwaad minik | ||
| Gaa-dashiyeg gii-okodaayeg | LICO – 12 midaaso-shi-niizho-giizis | + 15% |
| Bezhig awiya | $25,338 | $29,139 |
| Niizh awiyag | $31,544 | $36,276 |
| Niswe awiyag | $38,780 | $44,597 |
| Niiwin awiyag | $47,084 | $54,147 |
| Naanan awiyag | $53,402 | $61,412 |
| Ningodwaaswi awiyag | $60,288 | $69,331 |
| Niizhwaaswi awiyag | $67,056 | $77,114 |
| Awashime niizhwaaswi awiyag, endaso-bezhig awiya owe ashi | $6,828 | $7,852 |
Dazhiikewining Gaa-gwenawi-izhidaawaad Ji-gibitinigaadeg (CHPI)
Zhooniyaa gaa-asind imaa CHPI daa-wiiji’aawag gaa-gidimaagiziwaad:
- Gaawiin ji-zaagijiwebinindwaa
- Ji-ayaawaad ngoji ge-izhidaawaad
- CHPI wiiji’iwemagan ji-diba’igaadeg waasigan nibi gaye azhesewin.
Ji-debinaman iwe CHPI wiiji’igoowin:
Ganoosh awiya imaa KDSB ozhibii’igewigamigong. Gi-daa-ganoonaa awiya iwe gaa-inanokiid imaa Wiiji’iwewining ji-gashkitooyin ji-debinaman iwe wiiji’iwewin.
Nin-daa-miinigoo na iwe CHPI wiiji’iwewin?
Ji-debinaman iwe CHPI wiiji’iwewin, gi-daa-izhidaa imaa Wazhashko-nigamiing Oodenaang inakeya’ii, gi-daa-gashkichige dash eta bangii, LICO gaye 15% minik jibwaa odaabinigaadeg iwe tax diba’igewin (noongom goda gaa-apiidendaagozid zhooniyaa).
| 2019 Gaawiin niibiwa gaa-ondiziwaad minik | ||
| Gaa-dashiyeg gii-okodaayeg | LICO – 12 midaaso-shi-niizho-giizis | + 15% |
| Bezhig awiya | $25,338 | $29,139 |
| Niizh awiyag | $31,544 | $36,276 |
| Niswe awiyag | $38,780 | $44,597 |
| Niiwin awiyag | $47,084 | $54,147 |
| Naanan awiyag | $53,402 | $61,412 |
| Ningodwaaswi awiyag | $60,288 | $69,331 |
| Niizhwaaswi awiyag | $67,056 | $77,114 |
| Awashime niizhwaaswi awiyag, endaso-bezhig awiya owe ashi | $6,828 | $7,852 |
Wegonen ge-diba’igaadegiban imaa CHPI?
Izhidaawin
- Awiyag gaa-gii-zaagijiwebinindwaa. Gaawiin azhesewin daa-diba’igaa-desinoon giishpin aazha gaa-wiiji’igoo yin ji-izhidaayin imaa.
- Niizho-giizis minik azhesewin gi-daa-miinigoo ji-diba’aman.
- Gegoo onji-azheseyin gi-daa-wiiji’igoo gaawiin wiin apanego izhiseg.
- Awe gaa-wiiji’ind oda-gashkitoon ji-diba’ang ezhidaad niigaan.
- $1000 gi-daa-wiiji’igoo ji-diba’aman mortgage azheseyin 2 giizis.
Bakaan dinookaanan diba’igewinan
- Giishpin gaa-izhinizha’amaagooyin ji-gibitinigaadeg waasigan, gaye gizhizigan, gaye geyaabi zhooniyaa ji-diba’aman ji-giiwe-achigaadeg iwe waasigan.
- Azheseyin ji-diba’aman nibi, bimide gaye moowaaboo ji-maajiiseg.
- Ji-wiiji’igooyin ji-diba’aman bakaan dinookaanan azhesewinan aabiding eta.
- Daa-inendamoog gaa-izhitamaagewaad ini ji-aabajitooyin ini daabishkoo waasigan gaa-ishkwaa-diba’igaadegin azhesewinan.
Wawezhichigewinan
- Ji-wawezhichigaadeg gegoo gaa-biigoshkaag $750 minik ako. Wawezhichigaadeg gegoo gaa-biigoshkaag waakaa’iganing, amii eta ge-izhi-bagidinigooyin imaa ji-izhidaayin.
Miinawaa bakaan
- $750 miniik ako ji-adaaweyin ge-aabajitooyin imaa waakaa’iganing ge-aabajitoo’amban gegoo izhiseg daabishkoo zakideg, mooshka’ang gemaa awiya miigaanig.
- Ge-inagindeg ji-zaagijigoziyin giishpin ozaam akoziyin gemaa gegoo izhiiyaayin, bakaan ji-izhigoziyin.
Gakina gaa-miinindwaa awe zhooniyaa, da-inaawag ji-giiwe-diba’igewaad apii gashkitoowaad ji-giiwe-diba’igewaad.
Ji-nepiji-izhidaang
Ji-nepiji-izhidaang izhinikaade owe awiyag ji-debinamowaad izhidaawin. Owe izhichigewin inwaade ji-wiiji’indwaa igiwe ginwesh gaa-gii-gwenawi-izhidaawaad.
Ji-nepiji-izhidaang daa-wiiji’iwemagan ji-zaagijiwebinaasiwindwaa awiyag odaawiniwaang onji. Ji-nepiji-izhidaang zhooniyaa daa-miigiwem ezhi-andooshkawind.
Ontario waasigan Wiiji’iwewin izhichigewin (OESP)
Gaa-gidimaagiziwaad Waasigan Wiiji’iwewin Izhichigewin
Giishpin aabajitooyin Synergy North, Sioux Lookout Hydro gemaa Hydro One, gi-daa-miinigoo zhooniyaa giishpin azheseyin diba’igewin gaye:
- Azheseyin gaye,
- Igooyin ji-gibitiniaadeg iwe.
Giishpin Synergy North gemaa Sioux Lookout Hydro aabaji’adwaa:
Ganoosh awiya imaa KDSB ozhibii’igewigamigong ji-debinaman gaa-gidimaagiziwaad Waasigan daabishkoo wiiji’iwewin Izhichigewin.
Giishpin Hydro One aabaji’ad:
United Way of Greater Simcoe County omiinaawaan zhooniyaan awiyan gaa-aabajitoonid Hydro One. Omaa 1-855-487-5327 izhi-giigidon ji-wiijii’igooyin.