Odeniwingh Mina Yaawin Naadmaagejig Zhichigewin
Owi Kenora District Serviices Board EMS Odenwingh Mina Yaawin Naadmaagejig zhichigewin naabidad awii gabigaademigag nondesewin biitwi ntam mina yaawin maagwejig miinwaa owa myaanaajizhayaad miinwaa memdage ginowaabmjigaadenon owi miigwengh wenipanag endaangh naagidowenjigewin owa myaanaajizhayaad miinwaa age naazhinigaadeg 911 giigidowin giigido biiwaabikonsing.
Nakiiwaad zhiwe maamowi dinaangidoniwin gdo mina yaawin waaji nakiindijig, owa odeniwingh Mina Yaawin Naadmaaged aga naadimaag zhitowin owi ginowenimigowin naaknigewin miinwaa aawid e’zhinomaag odi owi mina yaawin zhichigewin.
Zhichigewin Nendagashkichigaadeg:
NAAZHINIGAADEG – owi nikaazangh 911 miiwaa aanji aankozii gamgoongh azhangh.
MIIGWEWIN – gikendaasowin owi gaagige aakoziwin bimiikinigaadeg miinwaa maajiishkaamigag
GIIZHAA – mina yaawin izhiwebak.
NAADMAAGEWIN – mina yaawin zhichigewin mikigaadeg.
NAAWITOONGH – maziwe mina bimaadiziwin owi age memaanji niizaanzijig endinakiijig.
Owi wiiji ginoondiwin gewe ndo odeniwingh mina yaawin, wiijiindiwin miinwaa wiigwaaman waaji nakiindijig, Owi KDSB CPLTC zhichigewin digosinon ninda eni zhibiigaadeg nankiiwinan:
- Dibizhigewin miinwaa gagaandnaawin – onji ndo nakii gamigonaa miinwaa age zaagijiwiingh waaji nakiindijig
- Odenwingh Mina Yaawin Naadmaagejig Naagaanwidowaad Mina Bimaadiziwin Naandwechige gamgoon – ginwaabmjigaaziwaad gewe gechi piitizijig wiijikiwendiwin wiigwaaman miinwaa gechi piitizijig enji nakweskaadiwaad.
- Endaangh Nibwaachewin – awii naadmaagaaziwaad gewe memaanji niizaanzijig gaawii geshkitosiwaad awii biidigewaad onji owi giizhaa naagidowendamowin.
- Waasa Yaakozid Naagizowaabmjigewin – Awii naadmaagaaziwaad gewe memaanji niizaanzijig gaawii geshkitosiwaad awii biidigewaad onji owi giizhaa naagidowendamowin.
- Bizaan nibo – awii naadmaagaaziwaad waaji nakiindijig owi bimigaadeg nondesewin zaam owi tesinag zhichigewinan miinwaa awii naadmaagaaziwaad bemaadizijig awii yaawaad endaawaad woshme gnesh.
- Inendamowin Mina Yaawin miinwaa Ogichiwinigon – Awii nakweshkaademigag newen gichi maajiigingh aakoziwinan newen ani ayaawong wiibaa biindigengh owi ALC maage LTC, dash miinwaa awii naadmaagewaad owi zaam nakiiwin newen waaji nakiindijig nakiiwainan ani aawongh owi bwaanwitoongh owi aasgaabiwitaagaaziwaad gewe eni zhaawaad odi ALC miinwaa LTC.
- Aanjiiwin Ginowenjigewin Aasgaabitaage Zhichigewinan – awii naadmaagaaziwaad bemaadizig egaayig zaagiji odenan, waasa wekamig miinwaa Aanizhinaabe odenwinan zhiwe zhichigewinan gaawii tesinon pane.