Wiiji’iwemagan
KDSB Gaa-dagoshinowaad gegoo gii-izhised awiya owe izhi-dagwiiwag
- Ji-gikendamowaad Inawemaaganag aaniin ge-izhi-minosewaad
- Gikino’amaadiiwigamigong ji-izhi-wiindamaageng
- Gegoo gii-inakamigak wiindamaageng
Apanego wiindamaageyaang gikino’amaageyaang maagizhaa gaawiin aapiji da-andomaasii aakoziiwidaabaan gaye Giiwedin Ningaabii’on EMS, baamaa eta wiinge gegoo gii-gichi-inakamigak.
Giiwedin Ningaabii’on EMS nitam gaa-gii-dagwiiwaad iwe FAST gaa-izhinikaadeg ji-gikenjigaadeg awiya ishkwaade’ed gemaa niboowised.
FAST owe izhisemagan, giishpin:
F – Bangisiingwesed awiya
A -Gashkitoosig ji-ombiniketaad awiya
S – Gashkitoosig weweni ji-gaagiigidod awiya
T – Amii izhi-ganoosh Aakoziiwidaabaan
Giiwedin Ningaabii’on EMS odaabajitoonaawaa iwe FAST izhichigewin amii aaniish ezhi-gikenjigaadeg wiiba giishpin awiya wii-ishkwaade’ed gemaa wii-niboowised. Gichi-inendaagwan ji-gikenjigaadeg wiiba. FAST ozhibii’igaade imaa gakina aakoziiwidaabaaning. Gii-waabanjigaadegin ini gaa-izhibii’igaadegin wenji-gikendamowaad awiyag ji-izhaawaad aakoziiwigamigong giishpin iwe inamanji’owaad.
Gikendan owe giiyaabi omaa daataanginigeyin:
Nawach wiiba waabamigooyin wii-ishkwaade’eyin gi-ga-bimaaji’igoo.
Giin gi-daa-bimaaji’idiz giishpin wiiba izhaayin aakoziiwigamigong. Giin gi-daa-bimaaji’idiz giishpin wiiba izhaayin aakoziiwigamigong.
Gikendaman ge-ayizhiiyin awiya gegoo izhised daabishkoo CPR gaye nitaa-aabajitooyin iwe (AED) giishpin awiya ode’ gii-maanzhibidenig. Giishpin awiya wii-ishkwaade’ed gemaa gibichisenig ode’, onizhishi-noon ono aabajichiganan ji-bimaaji’ind awiya.
2007 gii-izhiseg iwe HSFO gaa-anokaadamowaad ode’iwaapinewin gaye niboowisewin o-gii-maajii-wiidanokiimaawaa’ EMS gaa-naagaji-toonid omaa Ontario ji-ayaamagakin ini gaa-aabadakin awiya ode’ gii-maanzhibidenig. Iwe HSFO gii-miigiwewag zhooniyaan AED aabajichiganan ji-adaawe-waad igi EMS gaa-inanokiiwaad omaa Kaanada Akiing gaye ji-atenigin ini aabajichiganan maagizhaa awiya ode’ maanzhibidenig.
Iwe KDSB o-da-wiiji’aawaa ini izhichigewinan gaa-ayaawaad ini PAD aabajichiganan dazhiikewining. Endaso-izhichigewin o-daa-ayaawaawaan ge-naagajitoonid iwe AED. Awe gaa-naagajitood iweni AED aabajichigan da-izhichige weweni ji-agoodenig, ji-bekichigaadenig gaye ji-ozhibii’igaadeg iwe AED.
Ini izhichigewinan owe da-izhichigewag:
- Da-adaawewag gaye o-da-naabisidoonaawaa aabajichiganan
- Da-gikino’amawaawag anokiimaaganag CPR ji-bimaaji’aawaad awiyan
- Weweni da-naagajichigaade iwe AED aabajichigan
Wazhashkonigamiing CACC gaa-onji-ikidowaad aaniindi ge-izhaamaga-kin aakoziiwidaabaanan o-da-aabajitoonaawaa AED gegoo izhiseg. Iwe CACC o-da-andawendaanaawaa owe wiindamaagewin:
- Aaniindi eteg iwe AED aabajichigan
- Ji-ozhibii’igaadeg e-gii-weweni-ganawenjigaadeg iwe AED
- Giiyaabi e-onizhishingin ini ge-aabadakin imaa
- Iwe AED aabajichigan e-ateg gakina ji-aabajitood ge-wii-aabajitood
Ogimaawiwin Mino-ayaawin gaye Ginwesh Ganawenimigoowin ikido-wag igi CACC gaa-izhinizha’igewaad ji-aabajitoowaad ini PAD eta:
- Gaa-ozhibii’igaazod ji-aabaji’tood Aakoziiwidaabaan Wiiji’iwewin
- Ji-ganawenjigaadeg, gaye
- Ji-ateg gakina ji-aabajitood ge-wii-aabajitood iwe aabajichigan
Iwe PAS izhichigewin ogikendaanaawaa iwe AED e-gitaabadag gaye dago CPR aabajichigaadeg o-daa-bimaaji’aawaa’ niibiwa awiya’. Giishpin ikidosiwan, gaawiin CACC oda-aabajitoosiinaawaa AED gaa-ayaayeg giishpin 911 izhi-giigidod awiya giishpin ishkwaade’ed awiya.
Iwe KDSB onaagadawaabandaanaawaan ini AED aabajichiganan weweni ji-ganawenjigaadegin.
Aakoziiwidaabaan
KDSB PAD Registration Form
Giishpin inendaman ji-ayaayin imaa PAD gaye gakina awiya ji-aabajit-ood gidaabajichigan AED gaa-izhinikaadeg, mooshkinebii’an owe omaa dash izhinizha’an: PADProgram@kdsb.on.ca.
JI-ganawenjigaadeg endaso-giizis iwe PAD, owe izhichigen:
KDSB PAD Monthly Maintenance Form
Endaso-giizis da-mooshkinebii’igaade iwe mazina’igan ji-naagajichiga-adeg gaye ji-waabanjigaadeg gaye daa-izhinizha’igaade daataangini-geng omaa PADProgram@kdsb.on.ca.
Waasamowinkaadeg Zaagiji Wiiyaw Maajiide’eba’iganiwi (AED) Ginonigaazad Zhibiigan
Wii-gikendaman AED aabajichiganan gaye gikino’amaagoowin imaa zhemaak KDSB Giiwedin Ningaabii’on EMS izhi-ganoosh.